ཕུན་ཚོགས་སྟོབས་འགྱུར། ལོ་རིམ་བདུན་པ།
དོ་དགོང་ཉལ་ནས་འདུག་དུས།།
སྣང་བ་རྟོག་པས་གཡོས་སོང་།།
གང་དུ་སྐོམ་པ་མེད་ཅིང་།།
བག་ལེབ་རྡོ་བཞིན་མེད་སར།།
ཇི་ལྟར་འགྲོ་དགོས་དྲན་ཚེ།།
ཨ་མཐས་བློ་ཞིག་སྐྱེས་སོང་།།
བློ་འདི་མི་བདེན་སྙམ་པའི།།
ཐེ་ཚོམ་རང་ལ་མ་མཆིས།།
མི་རྐྱང་རང་ལས་གཞན་པས།།
གནས་འདིར་རང་རྐྱ་འཚོ་བ།།
མི་ནུས་ནུས་པར་མ་མཐོང་།།
སྐྱོ་སྣང་རླུང་གིས་གདུང་བའི།།
མི་རྐྱང་རང་ཉིད་གཅིག་པུ།།
མི་རྐྱང་རང་ལས་གཞན་པས།།
གནས་འདིར་རང་རྐྱ་འཚོ་བ།།
མི་ནུས་ནུས་པར་མ་མཐོང་།།
ལ་ལར་ཕྱུག་པས་ལོངས་སྤྱོད།།
བརྒྱ་དང་སྟོང་དུ་མཆིས་ཀྱང་།།
གཏོང་སེམས་རྡུལ་ཙམ་མེད་པས།།
དོན་མི་བྱེད་པར་ལུས་འདུག།
ཕྱུག་པོ་དེ་ཚོའི་སྐྱེས་དམན།།
འདྲེ་བཞིན་ཕར་རྒྱུག་ཚུར་རྒྱུག།
ཕྱུག་པོ་དེ་ཚོའི་ཕྲུ་གུ།།
གྱོད་ཁ་ཕར་ལེན་ཚུར་ལེན།།
ཕྱུག་པོ་དག་གི་སེམས་པ།།
རྡོ་བཞིན་སྲ་ཞིང་མཁྲེགས་པོ།།
བཅོས་མཁན་རིན་ཐང་ཆེ་བའི།།
སྨན་པ་མཁས་པའང་གླས་འདུག།
འོན་ཀྱང་རང་ལས་གཞན་པས།།
གནས་འདིར་རང་རྐྱ་འཚོ་བ།།
མི་ནུས་ནུས་པར་མ་མཐོང་།།
སྐྱོ་སྣང་རླུང་གིས་གདུང་བའི།།
མི་རྐྱང་རང་ཉིད་གཅིག་པུ།།
འོན་ཀྱང་རང་ལས་གཞན་པས།།
གནས་འདིར་རང་རྐྱ་འཚོ་བ།།
མི་ནུས་ནུས་པར་མ་མཐོང་།།
ད་ལན་ཅུང་ཟད་ཉོན་དང་།།
རང་གིས་ཤེས་པའི་གཏམ་ཚིག།
ཁྱོད་ལ་ཅུང་ཟད་བཤད་ཀྱི།།
རླུང་ཚུབ་བསུ་བའི་སྤྲིན་ནག།
གནམ་ལ་འཁོར་བཞིན་འདུག་གོ།
ཞི་བའི་གྲང་བསིལ་རླུང་ཡང་།།
རྒྱུག་པའི་དུས་ལ་སླེབས་སོང་།།
མི་རྐྱང་རང་ལས་གཞན་པས།།
གནས་འདིར་རང་རྐྱ་འཚོ་བ།།
སུས་ཀྱང་ནུས་པར་མིན་པས།།
འགྲམ་ལ་ཉན་འཇོག་བྱས་ཚེ།།
སྐྱེས་བུ་དུཿཁས་མནར་བའི།།
སྐད་སྒྲ་ལྷང་ལྷང་གོ་བྱུང་།།
སྐྱོ་སྣང་རླུང་གིས་གདུང་བའི།།
མི་རྐྱང་རང་ཉིད་གཅིག་པུ།།
འོན་ཀྱང་རང་ལས་གཞན་པས།།
གནས་འདིར་རང་རྐྱ་འཚོ་བ།།
མི་ནུས་ནུས་པར་མ་མཐོང་།།
བསྒྱུར་གཞི།
“Alone” by Maya angelou
