དཀོན་མཆོག་རྡོ་རྗེ། འཛིན་རིམ་དགུ་པ།
དཔྱིད་ཀྱི་དཔལ་ཡོན་མ་འཛད།།
དབྱར་གྱི་མྱུ་གུ་ཡར་སྐྱེས།།
གཟུགས་མེད་སེམས་ཀྱི་དྲན་ཐག།
སྲིད་གསུམ་ཐོག་ལ་བཅིངས་ཡོད།།
རྒྱ་ལམ་གོམ་གསུམ་སྤོ་དུས།།
ལོང་བ་གྲོག་མ་འབུམ་གྱིས།།
རྡུལ་རེ་བརྩེགས་པའི་སྡོད་ཁང་།།
རི་རྒྱལ་ལྷུན་པོར་འགྲན་འདྲ།།
རང་མགོ་མ་ཐོན་ཟེའུ་འབྲུ།།
གཞན་དབང་འདབ་མ་འཚུབ་པ།།
རང་བརྟག་རྣམ་དཔྱོད་ཉི་མས།།
ཕྱེ་སྟེ་དྲི་ཞིམ་སྤེལ་དང་།།
ཚེ་སྔོན་ལས་སྐྱེས་ལྗོན་པ།།
ཐང་ལ་བསྐམས་ན་ཅི་ཕན།།
གྲོགས་ཀྱི་འབྱུང་བཞི་སྐྱེས་ན།།
རང་བྱུང་དཔལ་ཡོན་སྨིན་ངེས།།
གཞན་གྱི་འཆད་རྩོད་བལྟས་ཏེ།།
སྨོན་སེམས་རྒྱལ་མཚན་བསྒྲེངས་ཀྱང་།།
འཇུག་སེམས་དྲི་གཞོན་མ་གཡོས།།
བསམ་དོན་རེ་རྫོགས་དཀའ་བ།།
བག་མེད་རི་རྩེར་བསྐྱོད་དེ།།
སེང་གེའི་ང་རོ་བསྒྲགས་ཀྱང་།།
ཁོག་ལ་ཕུགས་འདུན་མེད་ན།།
དོན་མེད་མིད་པ་ཚ་བ།།
ཡ་ཆུང་སྙིང་གི་རི་མོ།།
དྲི་མེད་ཤོག་དཀར་སྟེང་དུ།།
སྙན་ཚིག་དབྱངས་སུ་བཀུག་ནས།།
སེམས་ཀྱི་གསང་བ་བསྟན་ཡོད།།
