ཕྲིན་ལས་མཐར་ཕྱིན། འཛིན་རིམ་བརྒྱད་པ།
མི་གཤིས་མི་བརྟན་རླུང་གསེབ་དར་སྣེ་འདྲ།།
དར་སྣེ་ཤར་ལྷོའི་མཚམས་སུ་འགུལ་ཞིང་རྡེབ།།
རླུང་དང་ཆར་རླུང་ཁྲོད་ནས་འཚང་བཞིན་ཡོད།།
དེ་དུས་རང་ཚུགས་སྐྱ་བོ་ལྷང་ལ་བུད།།
རག་དུང་འབུད་ཚེ་མཛུབ་མོ་ཤིན་ཏུ་དྲང་།།
འཇིག་རྟེན་སྒང་གི་མཁྱེན་རྒྱ་ཆེ་ཤོས་དང་།།
གནས་ལུགས་ཡོད་རྒུ་སྨྲ་བའི་ལམ་སྟོན་དེ།།
གནམ་འོག་ཧྲིལ་གྱིས་བསྐོར་ཡང་རང་ཉིད་ཙམ།།
གདོང་འབག་སྟེང་གི་མིག་ཤེལ་ནག་པོ་དེ།།
ཨ་སྔོན་དགུང་གི་ཉི་མས་མི་དོ་སྐད།།
ཁ་ནང་རླངས་པར་དངུལ་སྒོར་མི་དགོས་པས།།
གད་སྙིགས་ནང་གི་འཆལ་གཏམ་བསྒྲུགས་ཀྱང་ཆོག།
མི་ཡི་རྒྱབ་ནས་མཆུ་ཏོ་གཡུག་སྟངས་དེ།།
རྣམ་འགྱུར་མང་པོའི་གྲལ་ནས་བདམས་པ་རེད།།
ཁེ་སྤོགས་མི་ཐེག་པ་ཞིག་ཡོད་དུ་ཆུག།
གཤིས་ཀ་ཀླད་ཀོར་འོག་ནས་རྩི་བཞིན་སྡོད།།
སྐྱུར་དྲི་ཁ་བའི་ངོ་གདོང་ལེབ་ལེབ་དེ།།
མི་ཡི་མདུན་དུ་སྟོན་པར་མ་མཚེར་ནའང་།།
སྤྱི་བོ་གནམ་ལ་བསྐོར་བའི་ལས་འགན་དེ།།
ཁྱེད་དང་ང་ཡི་བསྲུང་བྱ་གཅིག་མཚུངས་རེད།།
