ལོ་རིམ་ལྔ་པའི་སློབ་གཉེར་བ། བསོད་ནམས་འོད་གསལ།
ལས་ཀྱིས་དེེད་པའི་སྐྱོ་གདུང་འོག་ནས།།
དྲན་པའི་ན་ཟུག་སྙིང་ལ་སིམས་ཀྱང་།།
ཤུལ་དུ་ལུས་པའི་སྙིང་གཏམ་དྲོན་མོ།།
སེམས་ཀྱི་སྦུག་ནས་ཡལ་ཐབས་མི་གདའ།།
སྨག་རུམ་ཁྲོད་ནས་ཚེ་གང་བོར་བས།།
དྲན་པའི་སྨྲེང་གླུ་ཡང་ཡང་ཤོར་ཞིང༌།།
ལྡོག་མེད་མིག་ཆུའི༌ཐིགས་པའི༌ཕྲེང་བ།།
རྨི་ལམ་ནང་དུ་ལྷུང༌བ༌གྲངས༌མེད༎
རྒྱང་བཞུད་རྣམ་ཤེས་རིང་མོའི་ཟུར་ན།།
ཉི་མའི་འོད་མདངས་ཡིད་ལ་འཐད་ཀྱང་།།
ཟླ་བ་མེད་པའི་མུན་པ་རེ་རེས།།
ལང་ཚོའི་མེ་ཏོག་རབ་རིབ་གྱུར་ཐལ།།
རང་ཉིད་དབང་བའི་རང་ཡུལ་ཞིག་ཏུ།།
བདག་གི་ལྷ་མོ་གསོན་པོར་གནས་ཚེ།།
མི་ཡི་ཡུལ་ན་མིང་ཙམ་མེད་ཀྱང་།།
མཇལ་འཕྲད་བྱུང་རྗེས་ཤི་ཡང་ཆོག་གོ།
