སྤྲུལ་སྐུ་བསྟན་པ་རྒྱལ་མཚན། སྔོན་འགྲོ་འཛིན་གྲྭ།
སེམས་ཀྱི་ཁ་ལ་མྱོས་ཆུ་རག་ཙ་ན།།
ཡ་མཚན་རི་མོ་དེ་ལ་ཟུར་མིག་ལྟ།།
རྒྱང་ནས་རྒྱང་དུ་ཡོད་པའི་རྨི་ལམ་ལ།།
རེ་བའི་ལག་པ་གཉིས་པོ་ག་ལེར་བསྲིངས།།
དུས་ཀྱི་བུ་མོས་དཀྲོལ་བའི་རོལ་དབྱངས་སྒྲ།།
སྙན་པ་ལ་འོ་རྣ་བའི་བུ་གར་ཐིམ།།
ཡིད་ཁམས་རྒྱ་མཚོར་འཕྱོ་བའི་ཡིག་འབྲུ་དག།
དྲན་པའི་མེ་ལོང་ཁུད་ན་ཐོལ་གྱིས་འཆར།།
གནས་ལུགས་མཛའ་ན་མོ་ལ་ཞེ་བློ་འཁྲེང་།།
མཆུ་དང་ལྕེ་ལེ་བསྲིངས་ནས་བྲོ་བ་མྱངས།།
དངོས་བྱུང་གཤིས་ལ་གནས་པའི་གཏམ་རྒྱུད་དེ།།
སྨྱུ་གུ་ཤོག་བུར་བརྡར་ནས་སུག་བྲིས་བཏབ།།
སྣང་བ་ལང་མ་ལིང་གི་ཁེར་བགྲོད་འོག།
སྐྱི་སེར་རླུང་བུ་དེ་ཉིད་གྲོགས་སུ་གྱུར།།
སྙན་ངག་མེ་ཏོག་ཆུན་པོ་འཐུ་བཞིན་དུ།།
སུ་ཡང་མེད་སར་རང་ལ་ཆིག་ལབ་བརྒྱབས།།
