ལོ་རིམ་བདུན་པའི་སློབ་གཉེར་བ། བསོད་ནམས་འོད་གསལ།
ཆར་ཐིགས་ཟགས་པའི་ཕྱི་དྲོ་དེ་ན།
ངས་དྲན་པའི་ཕྱེད་ཀ་ཙམ་ལས།
མྱི་ཚེ་གཅིག་ལ་སྙིང་དུ་སྦས་ཤིང་།
དཀའ་སྡུག་གི་ཐལ་རྡུལ་དང་ལྷན་དུ།
ལོ་ཟླའི་འཐབ་རྩོད་ཁྲོད་དུ་བཞུད་སོང་།
ཁྱེད་ཉིད་མུན་པ་སྟུག་པོ་ཞིག་གི་ལྭ་བས་གཡོགས་ཀྱང་།
འབར་ཟིན་པའི་འོད་ཀྱི་ཟེགས་མ་ཕྲ་མོ་ནས་ཕྲ་མོ་རེས།
ང་རང་དབང་མེད་ངང་བཟི་རུ་བཅུག་ཐལ།
“འབུམ་དུམ་པ་”[1]བཅུག་ཐལ།
བདག་གིས་རྒྱང་རིང་ནས་ཁྱེད་ཉིད་སྒོམ་དུས།
དགའ་སྤྲོས་མྱོས་པའི་མེ་ཏོག་ཅིག་ལྟར།
ནམ་ཡང་མཛེས་སྡུག་ལྡན་པ་ཞིག་ཡིན་ན།
ངའི་སེམས་སྦུག་ཏུ་མེ་ལྕེ་དམར་ལྷབ་ལྷབ་ཅིག་ཀྱང་ཡིན་དར།
དགུན་དུས་ཁ་བ་ལྷབ་ལྷུབ་ཏུ་འབབ་པའི་ཉིན་མོ་བཞིན།
བདག་གི་རྨི་ལམ་ནང་གི་ཕ་ས་དང་ཕ་ཡུལ།
ད་དུང་ལྷ་མོ་དོན་འགྲུབ།ངས་གསོལ་འདེབས་ཀྱི་ཀློང་ན་ཡོད་ཨང་།
[1] ཚིག་འདི་ནི་གཙོ་བོ་བོད་མདོ་སྨད་ཕྱོགས་སུ་བེད་སྤྱོད་གཏོང་བའི་མནའ་ཚིག་ཅིག
