ལོ་རིམ་བརྒྱད་པའི་སློབ་གཉེར་བ། བློ་བཟང་བརྩོན་འགྲུས།
རང་གཞན་གཉིས་ཀའི་དོན་ཆེན་བསྒྲུབ་པའི་སླད།།
བརྩོན་འགྲུས་ཤུགས་ཀྱིས་རྟ་ཕོ་ལ་བཅིབས་ནས།།
མདོ་སྔགས་གཞུང་མཚོའི་ཕ་རོལ་ལེགས་སོན་པ།།
སྨྲ་བའི་དབང་ཕྱུག་བཤེས་གཉེན་རྣམས་ལ་འདུད།།
ཡོན་ཏན་ལེགས་ཚོགས་ཐུགས་སུ་ཆུད་པའི་མཐུས།།
འགག་མེད་གསུང་གིས་བདུད་རྩི་རབ་འཇོ་ནས།།
མི་ཤེས་གདུལ་བྱའི་རྒྱུད་ལ་སིམ་པ་ཡིས།།
ཆོས་ཀྱི་འོད་སྣང་སྦྱིན་མཁན་བཤེས་གཉེན་རེད།།
ཤེས་བྱས་ཕོངས་པའི་བྱིས་པ་བདག་འདྲ་ལ།།
ཤེས་འཇོན་བང་མཛོད་ལྡེ་མིག་ཁྱེད་ཀྱིས་བྱིན།།
འདི་ཕྱིའི་བླང་དོར་མིག་ཟུང་ཁྱེད་ཀྱིས་འབྱེད།།
ཁྱེད་ནི་ལམ་བཟང་འདྲེན་པའི་དེད་དཔོན་རེད།།
དུས་ངན་སྙིགས་མའི་ཡོ་ལང་ཚུབ་མོའི་ཁྲོད།།
སྡུག་གསུམ་ལེ་ལོ་འཐིབས་པའི་སེམས་ཅན་ལ།།
ཐབས་མཁས་ཐུགས་བརྩེའི་སྒོ་ནས་ཆོས་སྟོན་པ།།
ཁྱེད་ནི་མཚུངས་མེད་བཤེས་གཉེན་དམ་པ་རེད།།
རང་དོན་ཟང་ཟིང་བྱ་བ་རྒྱབ་ཏུ་བསྐྱུར།།
གཞན་དོན་བྱ་བ་ཉིན་མཚན་ཕྲག་ཏུ་ཁུར།།
མ་ཡིས་བུ་བཞིན་ཉམས་ཐག་སྐྱོང་མཁས་པ།།
བཤེས་གཉེན་བཟང་པོ་དྲིན་ཆེན་ཕ་མ་རེད།།
༡༣/ ༠༥/༢༠༢༣
