ལོ་རིམ་དགུ་པའི་སློབ་གཉེར་བ། ཕྲིན་ལས་མཐར་ཕྱིན།
མུན་པའི་ཁུད་ཀྱི་སྐྱོ་སྣང་ཡན་གར་བ།།
ལས་དབང་སྐྱ་བོའི་སྔུན་གྱི་འཁུན་སྒྲ་ཡིན།།
འགྲུལ་པའི་རྡོག་སྣེ་ཁམས་འདིར་བསྒྱུར་ཉིན་ནས།།
ཀྱག་ཀྱོག་མང་བའི་ལམ་དེ་འདེམས་དགོས་ཨང་།།
སྣང་བའི་ངོགས་སུ་བཞེངས་པའི་རྨི་ལམ་དེ།།
ས་སྲིབ་དུས་ཀྱི་སྒང་ཁའི་ལ་ཐོད་འདྲ།།
མངར་ལ་སྐྱུར་བའི་ཚོར་བ་འདྲེས་མ་དེས།།
གཉའ་ནས་མནན་པའི་ཉིན་མཚན་དལ་ཞིང་རིང་།།
རིང་ཐུང་ཤོར་བའི་རི་བོའི་གྲིབ་གཟུགས་བཞིན།།
མི་ཚེའི་ལེའུ་དལ་གྱིས་བཞུད་པའི་ཁྲོད།།
ཡང་སྙིང་དྲན་པར་ཐོགས་པའི་མཛེས་སྡུག་ཅིག།
བསྐལ་པའི་བར་དུ་བཙལ་ཀྱང་ཕར་ཚད་རེད།།
ཤུར་ཤུར་ལྡང་བའི་རླུང་བུ་སྙོམས་པོ་དེས།།
ཁུ་སིམ་གཉིད་ཀྱི་རྨི་ལམ་ཁད་ཀྱིས་དཀྲོགས།།
སྔས་མགོ་བྲང་ལ་བཅར་བའི་བསམ་གཞིག་གིས།།
ནམ་ཕྱེད་འདི་ཡང་ཕར་ཕར་འདེད་དགོས་ཨང་།།
མུན་པས་མུན་པ་བཀབ་པའི་མཚན་གཞུང་གི།
གནམ་སའི་བར་གྱི་རི་འཕྲང་དོག་པོ་སྟེ།།
ལམ་སྣེ་སྐྱ་བོ་དེ་ནས་ཁེར་འགྲོ་བ།།
སྐྱོ་གཏམ་དབྱངས་སུ་འགུགས་པའི་གཞས་པ་ཡིན།།
