ཕུན་ཚོགས་སྟོབས་འགྱུར། འཛིན་རིམ་དྲུག་པ།
མ་ཡི་མངལ་ནས་བཙའ་དུས། །ཁོ་བོའི་གདོང་པ་ནག་པོ།།
ལོ་ན་མཐོན་པོར་སོན་ཀྱང་། །ཁོ་བོའི་གདོང་པ་ནག་པོ།།
ཉི་མའི་དྲོད་ལ་འདུག་ནའང་། །ཁོ་བོའི་གདོང་པ་ནག་པོ།།
སེམས་ལ་སྐྲག་སྣང་སྐྱེས་ནའང་། །ཁོ་བོའི་གདོང་པ་ནག་པོ།།
ལུས་པོ་ནད་ཀྱིས་མནར་ནའང་། །ཁོ་བོའི་གདོང་པ་ནག་པོ།།
ཚེ་ཡི་འདུ་བྱེད་སྟོངས་ནའང་། །ཁོ་བོའི་གདོང་པ་ནག་པོ།།
མདོག་ལ་དཀར་བའི་གྲོགས་པོ། །ང་ལ་ལན་གཅིག་གསོན་དང་།།
མ་ཡི་མངལ་ནས་བཙའ་དུས། །ཁྱོད་ཀྱི་གདོང་པ་ཟིང་སྐྱ།།
ལོ་ན་མཐོན་པོར་སོན་དུས། །ཁྱོད་ཀྱི་གདོང་པ་དཀར་པོ།།
ཉི་མའི་དྲོད་ལ་འདུག་ཚེ། །ཁྱོད་ཀྱི་གདོང་པ་དམར་པོ།།
གྲང་རེག་རླུང་གིས་གདུངས་ཚེ། །ཁྱོད་ཀྱི་གདོང་པ་སྔོན་པོ།།
སེམས་ལ་སྐྲག་སྣང་སྐྱེ་དུས། །ཁྱོད་ཀྱི་གདོང་པ་སེར་པོ།།
ལུས་པོ་ནད་ཀྱིས་མནར་ཚེ། །ཁྱོད་ཀྱི་གདོང་པ་ལྗང་ཁུ།།
ཚེ་ཡི་འདུ་བྱེད་སྟོངས་ཚེ། །ཁྱོད་ཀྱི་གདོང་པ་སྐྱ་བོ།།
འོན་ཀྱང་ཁྱོད་ཀྱིས་ང་ལ། །ཁ་དོག་ཅན་ཞེས་བརྗོད་དོ།།
ཁ་དོག་ཅན་ (coloured) ཞེས་པ་ནི་མི་རིགས་དཀར་པོ་དག་གིས་མི་རིགས་ནག་པོ་རྣམས་ལ་འཕྱ་སྨོད་བྱེད་པའི་ཚིག་ཅིག་ཡིན།
རྩོམ་འདི་ནི། ཨཧྥི་རི་ཀའི་ཕྲུ་གུ་ཨ་གྷ་ར་གྷ་ར་ (Agra Gra) ཡིས་བྲིས་ཡོད་པ་དང་། སྤྱི་ལོ་ ༢༠༠༥ ལོར་ནུབ་ཕྱོགས་རྩོམ་རིག་ཁྲོད་གྲགས་ཆེ་ཤོས་གྲས་སུ་ཚུད་ཡོད་པར་གྲགས།
ཁོང་གི་རྩོམ་འདིའི་ལོ་རྒྱུས་ཀྱི་རྒྱབ་ལྗོངས་ནི། དུས་རབས་བཅོ་བརྒྱད་དང་བཅུ་དགུ་པའི་སྟོད་ཙམ་ན། མི་རིགས་དཀར་ནག་གཉིས་པོའི་དབར་དབྱེ་འབྱེད་ཧ་ཅང་ཆེས་ཆེར་བྱུང་བས། མི་རིགས་དཀར་པོ་དག་གིས་ནག་པོ་དག་ལ་མཐོང་ཆུང་དང་རིགས་ངན་དུ་བརྩིས་ཐོག ཁོང་ཚོས་མི་རིགས་ནག་པོ་དག་ལ་རྡུང་རྡེག་གིས་མནར་གཅོད་ཚད་མེད་བཏང་ཞིང་། བྲན་གཡོག་ཏུ་བཅུག་པ་སོགས་དྲང་བདེན་གྱི་རྣམ་པ་མིང་ཙམ་ལས་མ་ལྷག་པར་བཟོས་པས། མི་རིགས་ནག་པོ་ཚོས་དཀའ་ཚེགས་བསམ་ཡུལ་ལས་འདས་པ་ལ་གདོང་ལེན་བྱེད་དགོས་བྱུང་། རྩོམ་པ་པོ་ཁོང་ཡང་མི་རིགས་ནག་པོ་ཡིན་སྟབས། མི་རིགས་དཀར་པོའི་བྱ་སྤྱོད་ངན་པ་སེམས་ལ་བཅངས་ཤིང་སྐྱོ་གདུང་རླུང་གིས་དཀྲུགས་པའི་ཚོར་སྣང་དེ། བརྩམས་ཆོས་འདི་ཡིས་གསལ་བར་བྱས་ཡོད་པར་གྲགས།
བསྒྱུར་གཞི།
https://m.poemhunter.com/agra-gra/poems
